اقتباس المشاركة الأصلية كتبت بواسطة Abu Haya مشاهدة المشاركة



عيل نبيع السبايك الي عندنا ههههه @@
مب المفروض يكون الذهب الملاذ الامن ؟
شالي بيوصله لين 900$ شنو الاحداث الي ممكن توصل فيه لهالمناطق !
هلا بوهيون
شوف يالغالي بخصوص الذهب انه ملاذ آمن .. نعم هو ملاذ آمن في الازمات العالميه مثل ازمه ماليه عالميه او حرب كبرى ..

والنقطه اللي ابي اشرحها لك بخصوص حركة الذهب ,, انت تعرف ان الذهب صعوده وهبوطه مرتبط بالدولار والاسواق الامريكيه والعالميه .. بمعنى آخر اللي بينزل الذهب هو ارتفاع مؤشر الدولار خصوصا رفع الفائده الامريكيه وايضا ارتفاع الاسواق الامريكيه وواضح ان الدولار والاسواق الامريكيه لازالوا في موجه صاعده وفيها نفس لين فوق مستوى ال22000 للداو وهذا بالتالي راح يساعد على هبوط الذهب ,,

اذا متى الشراء المناسب للذهب وتصريف السندات والاسهم العالميه والدخول في الذهب ؟ طبعا هذا الكلام للدول والصناديق السياديه ..
يكون الشراء تحت مستوى ال 1100$ للذهب وتصريف الاسهم الامريكيه والسندات بالوصول عند مستوى ال22000 وفوقه للداو ,,

كلما اقترب الذهب من ال900$ تقريبا ترقب وتوقع حدث عالمي سواءا ازمه ماليه او تصحيح قوي جدا للدولار او حرب مؤثره كبرى اقليميه ..ترفع الذهب والدخول في موجه صاعده قويه ..


وهذا التحليل لاغي في حال اختراق القمه الحاليه للذهب عند 1370$ وهذا يعني اننا في الموجه B .. وهدفها قريب من ال1700$
والله اعلى واعلم